[A:138] dus kyi dbang las zhig pa'i sku tshab tu chug /phyogs 'di na rje btsun sa skya pa'i bstan pa'i gzugs brnyan tsam yang dar po mi gda' bas bstan pa rin po che me dar chu dar gyi rten 'brel la dmigs/ lam zab brgyud pa'i bla ma nyi shu rtsa gcig /mgon po che chung dmar po skor gsum dang bcas pa dang / byang gter pa'i ghu ru zhi drag /sangs rgyas stong sku sogs bris sku sum cu rtsa lnga tsam zhig bzhengs shing rab gnas kyi bar mthar phyin pa dang / bzo bo rnams la'ang re ba rdzogs pa'i 'bul ba zhabs tog bgyis/ mtshams de grol mtshams rin chen sgang du phyin/ rab 'byams pa mang thos bya ba'i bgres po thugs dam pa chos mthun zhig gda' ba des kye rdo rje'i dbang zhig gsol ba btab mod/ lo kha yar chos mi bshad snyam pa zhig bdog pa des khas blangs ma byas pa'i nub/ rje bla ma rdo rje 'chang de dang rmi lam du mjal/ chos rje pa'ang dbang byas pas yong tsa na mi byed/ 'o cag ka 'di 'dra da yong gsung ba zhig byung ba nas rgyu dbang rgyas pa zhig phul/ de nas bzung dbang dgos zer tshad la dka' las la ma ltos par 'phral bsgrubs byas pa yin no/ /mtshan nyid mi ldan bdag gi dbang bskur la/ /rgya chen phan yon 'byung ba ci zhig srid/ /'on kyang mchog gi bla mas rjes gnang nas/ /rab 'byams dbang gi chu bo kho bos spel/ /de'i ston shangs mthong smon na mtshams dam po byas yod pa'i nub cig rmi lam du thugs rje chen pos byin gyis brlabs pa'i skyes bu dam pa zhig dang 'phrad bas the tshom ma byed zer ba'i lung bstan gsal ba zhig byung /