[A:139] ci yin nam snyam yod pa'i dus/ sang dgongs de nged rang la chos 'brel yod tsam gsan pa'i chos rje smon lam pa bya ba zhig yod pa de byon byung bas gsang stabs su mtshams khog tu mjal/ rdo rje gling pa'i gter chos thugs rje chen po ngan song kun skyob kyi dbang lung rnams yid ches par zhus/ de'ang bla ma 'dis bla ma brgya dang gnyis bsten nas bka' 'gyur ro cog la sogs pa/ gsan pa rgya mtsho'i pha rol tu byon pa lta ba nam mkha' lta bu klong du gyur kyang bde mchog gi yi ge bdun pa dang / ma Ni dung phyur kha re bgrangs gnam lcags kyi thog dbu gtsug rang du babs pa brdar nas tsog pur bzhugs pa'i gsum phrag nas thal song kyang ba spu bzhob tsam las ma byung ba sogs lung rtogs kyi yon tan du ma mnga'/ 'phral kyang 'jig rten chos brgyad hrul por zhig pa'i sbas pa'i rnal 'byor chen po zhig yin la/ bla ma 'di las snga phyir chos kyi sku drin bsam gyis mi khyab pa zhig thob pas bdag la drin shin tu che bar byung bas lung bstan gyis ma bslus pa yin no/ /de'i dgun nges par grub pa'i dbang phyug dkar rtsi rtogs ldan sde pa nas kyis spyan drangs mthong smon du phebs skabs de snga'ang gsung chos thor bu thob pas dad po yod na'ang / nged sdings mar sleb pa dang thug mjal ma thub dogs pa la/ bla ma de'i zhal nas nged kyi ni gu 'di kho la sprad nga 'chi ru 'gro rgyu yin gsung bsgug sdod mdzad kyi yod 'dug pa nas 'phral du 'ongs/ shangs chos rje nyid la mnga' ba phal