[A:158]lhag pa bzhengs shing rab gnas kyang rgyud sde dang mthun par bsgrubs/ lo so gsum lon pa'i 'brug lo dpyid/ gtsang gi tshong 'dus nas sa skyong dbang po rgyal ba'i bstan pa bla mar mdzad pa des do dam dang ched gnyer mdzad/deng sang chos rje thams cad mkhyen pa bu ston rin po che'i bstan pa rdzogs par 'dzin zhing spel ba la sa'i steng na 'gran pa'i zla thams cad dang bral ba'i rdo rje slob dpon chen po rje btsun 'jam pa'i dbyangs byang gling chos rje'i zhal snga nas dpal 'khor bde chen nas spyan drangs ba dang bstun tshong 'dus khri khang du phyin nas/ dam pa de las dpal gsang ba 'dus pa mi bskyod rdo rje/ rdo rje 'jigs byed dpa' bo gcig pa/ bcom ldan 'das rdo rje dbyings rtsa ba lugs rnams kyi rdul tshon gyi dkyil 'khor du dbang bskur ba zhus shing mi phyed pa'i dad pa thob/ bu ram shing pa'i rgyal tshab bla na med/ /bu ston bla ma de yi bstan pa'i rgyun/ /legs par spel la mkhas pa'i bla ma de/ /legs par mjal bas re ba'i shing rta gang / /der zhal ngo drung la shin tu spros pa med pa'i de kho na nyid kyi myong khrid lung sogs cha lag rdzogs pa'i thugs yid ches pa zhig dang / gzhan dbang lung thor bu phul/ slar zha lu ri phug shar chen bla brang du nag nya dang bstun nas/ rje bla ma 'jam pa'i dbyangs de mnyes par byas nas dpal dus kyi 'khor lo sku gsung thugs yongs su rdzogs pa'i rdul tshon gyi dkyil 'khor chen por byis pa 'jug pa'i dbang bdun/ dbang gong ma/ gong chen dang bcas pa rdzogs par zhus pa'i