[A:159]tshe/ kha ba shin tu che bas ri lung thams cad dung gi maNDal ltar dkar sing ges byas pa zhig byung ba/ mtshan ldan rdo rje 'dzin pa'i sku drin gyis/ /skal ldan kho bo smin par byas pa'i tshe/ /dpal ldan dus 'khor bstan pa bod yul 'dir/ /rdzogs ldan dus dang mtshungs par byed do zhes/ /bgrang yas bstan la dga' ba'i lha rnams kyis/ /dpag yas 'dzin ma dkar 'jam gos kyis g.yogs/ /bsam yas dge ba'i mtshan ma gzhan yang mthong / /mtha' yas legs tshogs rten 'brel lhun gyis grub/ /de nas slar chos lung du rgyal yum dbang mo de mjal du phyin dus kyang sngar kho na bzhin thugs mnyes mnyes mang po mdzad/ chos du ma zhig gi gsol ba btab pas khyed 'byon pa'i dus ma byung / nga lo brgyad cu rtsa bzhi lon/ dpe sgrog tu mig mi gsal/ 'phar lung byed du rna bas mi thos/ chos ji ltar byas 'chad du 'dug pas rgya cher 'bul mi thub do nub 'dir bzhugs/ khyod zhwa lu'i mkhan po byed rgyur 'dug /de'i tshe zha lu ba'i chos bdag ma 'di mi dgos ka med yin/ nged kyi chos bdag ma 'di dga' gcig bdog /ngas sang 'di'i rjes gnang byed gsungs/ bdag la zha lu'i mkhan po byung dogs med/ byung kyang zin dogs med de rjes gnang ni sku drin bskyangs zhus pas/ mkhan po byed rgyu yin par 'dug mi zin ma zer/ da lam dus 'khor gyi bdag po chen po'i dbang zhig kyang cis kyang zhu thub pa mdzod gsungs/