[A:164]gsungs gdams pa'i nying khu gnang ba'i mthus/ /yid ches mtshan ma mang po kho bos mthong / /a ho grub pa'i zhabs lung ma nyams pa/ /thos tshe snying la kun dga' ci yang thob/ /de nas pha bla ma dpal zhwa lu gser khang gi seng ge'i khri la mnga' gsol ba ltar/ /bdag kyang de dang mtshungs par ma he mchod pa'i ltas mo zhus rim bzhin gsungs ngag rin po che gsol ba 'debs pa'i khungs byas de ga'i dus sgrigs zhus yod na'ang / sde srid rin po che'i sku mtshams kyi srung 'khor dang / de grub mtshams zam 'tsher gyi bla ma gyis gsungs pa'i bka' ji tsam 'bad kyang zlog ma nus par mi byed kha med byung ba nas cung zad 'gyangs/ slar rang lo so bzhi pa sbrul lo zla ba dang po'i tshe bzhi la zhabs drung du sleb pa bzhin ri phug chos kyi mngon par mtho ba'i grub gnas su gsung ngag rin po che tshugs sa gnang / de mtshungs rje bla ma 'jam pa'i dbyangs byang gling rin po che yang dpal 'khor bde chen nas spyan drangs te rnal 'byor rgyud kyi dbang bcu gsum po yongs su rdzogs pa rdul tshon gyi dkyil 'khor du zhus/ de snga yan bla ma'i drung du chos 'chad pa sogs ye byed kyi med na'ang / der bla ma yab sras gnyis ka'i bka' ma chogs par zur 'chad par bgyis te/ rje bla ma 'jam pa'i dbyangs kyi zhal snga nas dang / mkhan chen brag dmar ba/ ri phug dbu mdzad chen po sogs gzhis byes kyi bla ma dge ba'i bshes gnyen mang po la/ dpal mkha' 'gro rgya