[A:163] pha ma drin chen gyi nor/ nged kyi lag la rdar phul ba tsam du 'dug pa nas bsam pa ma rdzogs/ 'di tsam gyis kyang blo kha khengs pa med na'ang re zhig ci 'byor du zad pas/ de snga yan rang nyid la gang yod kyi rten gsum mchod cha thams cad dam tshig gi rdo rje dril bu tsam zhig dang / byin rlabs rten gyi dbang bum cha gcig /ting bdun tshar gcig ma gtogs tshang ma gtsug lag khang du phul/ des mtshon pa'i dus der lag tu yod pa'i bdog pa'i dngos po thams cad ltos med du phul zhing / slad nas mchod cha'i rigs gang byung de 'bul bzhin pa 'di ga lags/ de skabs mnga' ris dkar rum pa chu phug dbon po kun dga' rnam rgyal ba sogs kha cig la dpal phyag na rdo rje 'khor lo chen po'i dbang dang / rje btsun gong ma gsum gyi bka' 'bum gang thos de tshang ba'i lung yang phul de'i rab gnas la pha bla ma thams cad mkhyen pa'i zhal snga nas spyan drangs nas rab tu gnas pa rgyas par mdzad/ rten bzhengs mdzad pa'i dpa' rtags la gur gyi mgon po'i gsang khrid thun mong ma yin pa zhal ngo drung la gnang gi 'dug pa'i phyag phyir thob/ bsnyen sgrub las gsum gyi khrid dmigs so so'i thad du/ de dang de'i rtags/ nyams dang rmi lam gang rigs su gsal por thob/ sa skya'i bstan la dad pa mang na yang / /sa skya'i rje la chig dril byed pa nyung / /sa skya'i sbyin bdag khyad can khyod yin pas/ /sa skya'i chos srung dbang po gtad kyis long / /zhes