[A:166]bzhi pa'i nang du dpal sbug padma bkod par mtshams zla ba phyed dang gnyis kyi bar bgyis/ de'i tshe dus chen sgrub mchod 'di 'dzugs par bzhed pa'i skabs yin pa bzhin/ phag mo so bdun ma dang / 'khor lo chen po gnyis la nag 'gros legs pa re yang bcos/ gsang 'dus 'jam pa'i rdo rje'i dkyil chog gi nag 'gros shog bu phag gdong bcu bzhi pa zhig /mtshan snga phyed tsam nas nam zi ba tshun la grub pa zhig kyang bgyis/ de nas zla ba drug pa la bsreg shing rin chen sgang gi dgon par chos rje bya ston sprul sku bas dbu mdzad dge 'dun rnams la rgyud sde lnga'i dbang rgyas pa smin byed du btang ba'i ne gu chos drug gi nyams khrid/ gser chos phyi ma rnams kyi'ang byin rlabs lung rnams phal cher rdzogs pa dang / dpal mkha' 'gro rgya mtsho'i dbang tshar gnyis/ 'jam pa'i rdo rje/ phag mo mngon 'byung / rnam 'joms ma Ni badzra rnams kyi dbang bgyis shing / cho ga rnams la so so'i phyag len yang legs par bslabs/ slar myug tu kye rdo rje yab yum bde mchog lU hi pa/ 'jigs byed bcu gsum ma/ 'khor chen/ gdugs dkar zhe gnyis ma/ kun rig /dze tA ri'i lugs kyi tshe dpag med rnams kyi dbang bskur bgyis te/ so so'i cho ga dang lag len la sbyangs pa'i rdo rje slob dpon gtso 'khor lnga lngas rgyud sde dang mthun pa'i sgrub mchod/ bla ma dam pa'i thugs kyi dgongs pa rdzogs nges 'di legs par 'dzug pa'i do dam dang / rdo rje slob dpon bgyis te rdo rje theg pa'i bstan pa la bya ba bgyis pa'i khungs