[A:169]kyi dbang lung yongs su rdzogs pa sogs so so'i bzhed pa dang bstun pa'i chos kyang mang du bshad rjes/ ra gong brgyud 'brog rgya mtsho chos kyi 'byung gnas su phyin/ rje btsun rwa lo tsA ba'i gdung brgyud rnam par dag pa bla chen chos dpal bzang po'i sprul pa'i sku bla chen rin po che bsod nams rgyal mtshan gyi zhal snga nas mnyes par byas nas/ dpal rdo rje 'jigs byed chen po rwa lugs thun mong ma yin pa'i dbang / sdong ston gyis mdzad pa'i yi ge mang po'i lung / skyo lugs rwa rtse sems 'dzin gyi khrid/ rdo rje gzhon nus lugs kyi dbang lung / sbyong rgyud dkyil 'khor bcu gnyis kyi dbang sogs gsung gi bdud rtsi kha cig zhus/ las kyi gshin rje dang / dkar bdud lcam dral gyi rjes gnang ma zhus kyang dgyes bzhin gnang ba sogs lugs gnyis nas brtse skyong dpag tu med pa mdzad/ brgya tsho nas sde pa'i drung gis kyang bsam gyis mi khyab pa'i sku drin gyis bskyangs/ bla ma de'i gsung nan ches pa ji tsam 'bad kyang zlog par ma nus par padma dbang chen yang gsang khros pa'i dbang lung man ngag thams cad rdzogs pa zhig phul/ dge slong bkra shis dpal zhes bya ba mang du gsan zhing gzigs pa mkhyen ldan zhig gda' ba des zhus nas/ bde chen ral gcig gi smin grol yongs su rdzogs pa/ thugs rje chen po padma dra ba'i dbang / thugs rje chen po yang snying 'dus pa/ /rgyal ba rgya mtsho mun sel sgron me/ mi tra bcu gsum ma rnams kyi dbang lung rdzogs pa sogs chos mang du bshad cing zhag nyer lnga bsdad/