[A:16] sku la gnod pa lta ci smros/ na bza'i sne mo tshun skyon med du sol le/ sku gzhogs na bzhugs pa'i rje sa skya pa yab sras kyi sku nyid thugs dam rten du bzhengs pa zhig dang / de'i drung na yod pa'i thugs dam gtor ma rnams kyi rtse rgyan tsam yang ma zhu bar gnas pa sogs thams cad kyi mthun grub tu byung ba'i/ sku lder byin rlabs can de rnams da lta'ang dbu rtse na bzhugs/ thugs dam gtor ma de'ang glang lo gling log chen po ma byung bar ye ma nyams pa yod pa yin/ gzhan yang rong chung gi 'phrang la byon pa'i tshe/ sku'i thad rang la rbab lug ro tsam zhig mchong zhing byung ba la/ sku 'khor thams cad han brdal ba/ sdigs mdzub mdzad pas gyen la rgyang tsam zhig log rjes phyogs gzhan zhig la lhungs nas ci yang ma nyes pa dang / btsag sa dkar gyi gru la byon pa'i tshe/ gtsang po'i 'jings su slebs pa na chu rba klong dang bcas te 'tshangs byung ba na/ sdigs mdzub bstad de phaT ces gsungs pa tsam gyis chu thigs pa tsam yang ma lhungs par phyir log pa sogs thams cad kyi mthun grub tu mthong gda'/ bo dong du hor dmag byung ba'i tshe/ nang gzan kha cig hor rgya tsam gyis 'ba' rtsi kong byas gsod la nye ba na/ rgyang ring po nas sdang mig dang sdigs mdzub mdzad de shA sa na bzla bar mdzad pas hor de dag glo bur du bros shing 'khyams song nas/ rang phyogs la gnod pa ma byung ba ni bdag nyid kyis mngon sum du mthong / gzhan yang rdo rje chos skyong rnams la bsnyen sgrub dang bskang bshags rtsal du bton pas/ gzhung nas bshad pa'i rtags rab 'bring thams cad mngon du gyur/ mngon sum du