[A:15]pa'i sras gnyis la gtad de/ rang nyid sku mtshams lo re bzhin yang zla ba lnga tsam ma chad pa dang / dus rgyun du'ang nyi ma snga phyed yan thugs dam kho na la mnyam par 'jog /bzhugs gral dang / zhabs 'chag sogs mdzad pa'i tshe a cang / tha na gsol ja bzhes pa'i bar la'ang phyag phreng nyed cing gsang sngags kyi bzlas brjod kho na shib bur mdzad pas/ lhag pa'i lha'i bzlas brjod dung phyur gsum lhag pa song gda' zhing / rdo rje chos skyong rnams kyi bskang gso/ bshags pa/ mdos/ tshogs kyi 'khor lo sogs kyang sngags pa gzhan gyi sngags kyi grangs las mang ba tsam song gda' na'ang / rlom sems dang yus ye mi mdzad mod/ grub pa'i mtshan ma sgrib ma nus par mngon du mthong ba ni/ gam pa rdzong du bzhugs pa'i dus shig nam mkha' la thog ris bcas te thog 'bab par rtsom pa na sdigs mdzub kyi rtse la bslangs te phyogs gzhan ring po zhig tu 'phangs pas/ sa der thog 'phos nas rdzong 'khor bcas la gnod pa ma byung ba de dus kyi skye bo thams cad kyis mthong ba dang / bo dong rdzong btab pa'i dus 'tshub shed yin nam/ dus de nas gnas gsar ba gong 'phel la song gda' bas dge mtshan yin ni ma shes/ gnam lcags kyi thog chen po zhig sku gzhogs rang du babs pa na/ thag ring po na yod pa'i 'u lag pa kha cig shi /gla ba mgo bya ba sku drung na yod pa dran med du brgyal ba sogs phal cher rod rod por gyur kyang / sku nyid lta stangs las ma g.yos par zhal 'dzum ye re bzhugs/