[A:174]pa nas sngar phan ni gsum las mang ba la ma bgyis/ ji ltar bgyid/ 'tshub bzhin ni mi yong ngam zhus pas da lam ngas bka' rgya bkrol bas skyon ci yang med gsung ba nas bka' ltar bsgrubs/ spyir 'di zhwa lu pa'i chos khams che sa zhig yin pa dang / bka' shin tu dam pa'i stabs kyis ches dkon/ khyad par bka' nub nas yun ring po song ba'i stabs kyis chos nyams yod pa thams cad mas bu stor ba rnyed pa tsam du dgyes/ dge bshes chen po bgres po yon tan gyi dregs pas 'gying ba rnams kyang byon pa la brten/ dpal bde ba chen po ral pa gcig pa lha nyi shu rtsa lnga'i rdul tshon gyi dkyil 'khor chen por/ chos grwa de'i bla ma slob dpon rnam pa brgyad/ srad brag dmar dang / bsam rtse mkhan chen pa sogs dbang cha gsum la dbang rgyas 'bring bsdus gsum rdzogs pa dang / bla ma 'chad nyan pher ba bcu gsum la byin rlabs gnyis/ rdo rje slob dpon bdag po chen po'i dbang rnams phul pas thams cad thugs yid ches shing dgyes par bgyis so/ /de nas gong du smos pa bzhin nged rang bo dong na yod pa'i dus nas zhwa lu ba phyogs kyi chos sgor thams cad ma tshang ba med pa zhus gsung ba dang / yos lo'ang ched du rting bskul gnang gi 'dug pa ltar pha bla ma nyid kyis snga mo'i dus nas dgongs par 'dug cing / zhwa lu ba'i byis pa chung ngu yan chad mgrin gcig mthun snang grub pa la brten/ sde srid rin po che rin spungs pas kyang dgyes bzhin du grol ba yin gsungs/ nan gyis bka' gnang ba zlog ma thub/ rang ngos nas chos phyogs nas spangs rtogs kyi yon tan/ 'jig rten phyogs kyi shes myong rgyu cha rkyen sogs gang nas bsam kyang blos lcogs pa'i yul mi 'dug kyang / bla ma/