[A:173]dge bshes mang po la/ 'jam dbyangs smra seng / gtsug tor 'bar ba/ sman bla bde gshegs brgyad/ rta mgrin/ sgrol dkar sogs rjes gnang mang po dang / ma Ni bka' 'bum sogs lung bsam gyis mi khyab pa'ang so so'i thugs bzhed dang bstun nas bar ma chad par phul/ de'i tshe gsang 'dus mi bskyod pa'i dbang ma thob pa mang du 'dug na'ang / pha bla ma thugs brel gyis gnang ma thub par/ rim lnga don du gnyer ba po rnams kyis nan gyis gsol ba btab/ pha bla ma'i gsung gis cis kyang dbang bskur gyis/ de'ang dpe thog nas lta ci/ 'gyur mi 'dra ba tshun thams cad mkhyen pa rang gi yi ge na gang yod ma gtogs rigs mthun sbyor ba sogs ye ma byed phebs pa'i bka' ni zlog par ma nus/ de snga slob gnyer byed pa lta ci smos/ dpe cha yang ma mthong mod/ khong rang tshos dpe cha bskyal byung ba ltar/ nyin mo ni gsungs chos kyi g.yengs nas lta long ye ma byung / mtshan mo dge sbyor tshar rjes mar me la bzung bas zhag gsum la gtor chog ma gtogs lhan thabs dang bcas pa blo la chud byung ba ltar/ dpal zhwa lu'i drung chen grags pa rgyal mtshan pa dang / lhun grub pa sogs chen slob phal che ba dang / chos rje brag dmar mkhan chen pa/ e chos sde brag mo che'i chen po/ grwa tshang chen mo ba'i slob dpon sogs gzhi byes kyi bla ma dge bshes drag bsdus dbang cha gnyis la rdul tshon gyi dkyil 'khor du dbang rgyas par phul/ de nas sems nyid ngal gso'i khrid gnang ba na sngar phan dbang dang nges par 'brel ba rang cung ma byung ba 'dra na'ang / spyir yang smin grol ya ma bral ba legs shing / khyad par 'di da lta 'di phyogs bka' chad 'dug pa gso thub pa na legs phebs pa la/ bka' rgya 'jigs 'jigs gang yang 'dug