[A:178]gsung ba sogs la yun ha cang mi ring ba zhig bzhugs nas yab sras lhan du/ sde pa gnas gsar bas myug tu spyan drangs/ ser sbreng / gar 'chams/ gzhas rgyag /chibs bsu sogs bsu ba'i bkod pa sngar phyogs der 'ong ma myong ba lta bu'i rgyas pa ci yong dang bcas te bsnyen bkur phun sum tshogs pas mchod/ rgyal ba rdo rje 'chang sgo rum pa chen po'i dus dran mchod pa grub ma thag /dpal sbug tu spyan drangs/ rje gha ya dha ras bla chen 'brog mi la gsung ngag gnang ba'i gnas la rnam par grol ba zhes grags pa bzhin/ 'dir yang skal ldan mang po grol ba thob pa zhig yong re bas ming rnam par grol ba'i ri khrod du thogs gsung dgyes bzhin du zla ba bdun gyi bar chos lung nas mkhan chen rin po che'i zhal snga nas kyi dbu mdzad/ bdag cag skal ba rab tu gyur pa bco brgyad tsam la gsung ngag rin po che lam 'bras bu dang bcas pa'i gdams pa slob bshad thun mong ma yin pa nyams khrid du gtso bor gsungs te/ dregs ldan bye bas ming yang ma thos pa'i/ /gsang chen slob bshad zab mo'i gnad mtha' dag /nyid kyis gzigs shing legs par stsal ba'i tshe/ /skal bzang snying la phan bde'i dga' ston thob/ /'khrul med chos kyi snying po 'di thos tshe/ /rab 'byams shes bya'i rang zhal tshur ston byung / /yongs rdzogs bstan pa'i nyams len rgyud la khel/ /zab zab phal cher ming kyang tsam du song / /zhar byung / mchog sgrub pa'i dmar mo skor gsum/ thun mong sgrub pa'i dmar po skor gsum/ dmar chung ma skor gsum/