[A:185]brtan ma sogs rjes gnang mang po/ chos rje thams cad mkhyen pa'i rnam thar sogs lung mang po dang / grub pa'i dpal gyis phyug cing / byang chub sems dpa'i spyod pa lhur mdzad pa skyo ston rin po che yab sras kyis dbu mdzad/ phyogs de'i gsang sngags rnying ma'i gzhung lugs 'dzin pa drug cu tsam la sgrub chen bka' brgyad bde bar gshegs pa thams cad 'dus pa'i rdul tshon gyi dkyil 'khor chen por sgrub chen mtshan nyid tshang ba'i sgrubs dbang rgyas pa dang / drag bsdus shig la gsang ba yongs rdzogs kyi dbang dregs pa'i srog dbang rdo rje rgyal po bka' rab 'byams kyi dbang dang bcas pa rgyas par bgyis la/ de'i tshe yang byin rlabs kyi ltas chen po zhig nged rang la byung / bde gshegs 'dus pa'i rgyud lung nyi shu sogs lung phal che ba'ang bgyis/ rtogs pa'i yon tan bsam gyis mi khyab pa la mnga' brnyes shing drag sngags kyi nus pa mthar phyin pa'i gnyags ston rin po che dpon slob kyis zhus nas dad ldan mang po zhig la sprul sku padma gling pa'i gter chos bla ma nor bu rgya mtsho'i sta gon dbang chog rdo rje go khrab nas rnam sras dmar po'i bar dbang thams cad yongs su rdzogs pa dang / padma dbang chen yang gsang khros pa'i dbang tshe dbang dang bcas pa dang gzhan yang byang gter thugs sgrub rnam gsum gyi dbang lung / gter mgon phyag bzhi pa/ tsa ri zhing skyong seng ge'i gdong can sogs so so'i bzhed pa dang bstun pa'i dbang rjes gnang lung / phyag len