[A:186]sogs gang la gang 'os dpe mkhyud med par nyin re bzhin chos thun gsum gsum ma chag par phul zhing / rje bla ma 'jam pa'i dbyangs kyi zhabs las kye rdor bka' babs phyi ma gnyis kyi dbang / chos rje thams cad mkhyen pa'i bka' 'bum gyi lung yang thun ma chag tsam zhu ba sogs 'di dag gis g.yengs nas zhig bsos rnams la lta long tsam yang ma byung mod/ nye bar gnas pa'i blo bzang nyid kyis lus ngag yid gsum gyi 'gan khur bas nged rang la rnam g.yengs ci yang med par gang dgos thams cad ma chad la ma lhag pa khrig khrig legs par grub yong gi 'dug cing / cha rkyen yang bla brang na ni stong pa nyid la stong pa nyid kyis glags rnyed par mi 'dug mod gtso bor myug nas sde pa'i drung gis yang nas yang du/ nas/ sha /ja/ tha na sbyin tshun lhug par gnang ba dang / chos sde bar sgo bas nas kyi brgya 'bul dang / sde srid chen po khri khang pas brgya 'bul/ chos rje rin po che dge lung pa dang / myug la nye gnas mas kyang nas mang po phul bas rgyu byas tshe dpag med kyi lha khang du tshe dpag med kyi sku stong tsam bzhugs pa mchog tu bkra ba'i tshon dang bkod pas khyad par du byas pa dang / gsung rab lha khang na bzhugs pa'i po ti brgya phrag mang po legs par sgrigs/ bzhugs khri la bzhugs su gsol ba dang / gtsug lag khang so so'i gnam rgyan gyi 'degs sogs gang dang ci thams cad la shes ldan gzu bor gnas pa thams cad dga' mgur ngas thub nges 'di grub 'dug pa bzhin/ rab tu gnas pa'ang rgyud