[A:191]bdun dang / rje btsun ma lha bcu bdun ma'i rdul tshon gyi dkyil 'khor du bdag nyid 'jug cing dbang blang ba rgyas par gyis/ de skabs dad ldan mang po zhig gis gsol ba btab pa'i ngor/ 'dus ba brgya tsam la dbang bskur ba yang bsgrubs te zhag gcig bsdad/ de nas slar yang byams chen du 'ongs nas/ rje dam pas drung du gsung gi bdud rtsi zhu bzhin pa'i ngang nas/ rje bla ma grub pa'i dbang phyug rong pa'i zhabs spyan drangs te/ 'joms byed 'char ka nag po ri bo che ma'i dbang lung rdzogs par zhus/ byams chen shar chen pa dang / bde rgyas pa'i dpon slob zhal ngo rnam pas dbu mdzad dge ba'i bshes gnyen du ma la/ dpal 'khor lo sdom pa nag po pa'i dbang / 'jam dbyangs dkar po/ dpa' bo stobs 'phrog dbang po bsnyen dus sogs so so'i bzhed pa dang bstun pa'i chos du ma zhig bshad de zhag nyi shu rtsa drug bsdad/ de nas rim bzhin yur gur 'ong ste rje bla ma grub pa'i dbang phyug dge slong chen po ra snga nas dpon sa bdag mo'i ti shrir bzhugs pa sku nas byon pa dang / nged rang kyang da phyin rong 'di la rgyu 'grul cher e byed mi shes pas da lam mjal ba zhig nges par skabs su bab snyam nas/ ra sngar zhu khrol zhus pas/ nyin 'khor cig khrol byung ba nas yur gur gdan drangs/ tshe dpag med nyer sgrub kyi dbang dang / gur gyi mgon po lha brgyad kyi rjes su gnang ba zhig zhus/ bsnyen bkur 'bul bas mnyes par bgyis/ sang de rje btsun rong pa'i