[A:190]'dir 'dug ces gsungs 'dug /de ltar rim gyis dpal dus kyi 'khor lo'i rdul tshon gyi dkyil 'khor chen po dpe bya ba'i 'os su gyur pa zhig sgrub cing mchod pa dang / mchod gar ba drug cu tham pa rgyan dang cha lugs gzhan gyis 'gran par mi bzod pas der 'dus pa'i skye bo rnams snying dga' bar byas/ rab gnas dngos ni/ rje btsun thams cad mkhyen pas kye rdo rje'i ras bris la brten pa'i rab gnas 'bring po shar tsam zhig gnang / rab ston sha'i phung po spungs pa'i srin po'i grong du sleb pa 'dra ba'i 'jigs zhum me ba gda'/ de skabs kyi rten 'brel legs nyes ni slob dpon bzang ring gi jag par gda'o/ /de nas rje dam pa dpal byams chen du phebs pa'i drung du brten nas/ dpal sgyu 'phrul chen po snying rje'i stobs kyi dbang zab mo sngon du 'gro ba'i dbyibs sngags chos kyi bdag nyid can gyi rdzogs rim rgyud kyi bshad bka' dang bcas pa zab mo gtso bor zhus/ zhor nyan gyi tshul du phyag rgya chen po bsam mi khyab/ thugs rje chen po rgyal ba rgyal mtsho sogs dbang byin rlabs du ma lhug par stsal ba rnams zhus/ cho 'phrul chen po'i tshes bcu bzhi la rong ngur smrig gi gtsug lag khang na bzhugs pa'i rje btsun ma 'di slob dpon thams cad mkhyen pa'i bshes gnyen gyi thugs dam/ paN grub mang po la gsung byon pa'i ngo mtshar can du 'dug pa'i gsol ba 'debs par phyin te/ sgrol ma maNDal bzhi pa'i gsol 'debs tshar