[A:197]chos su ma song ba'i phyag len ji lta bar phul/ dad ldan ches mang po zhig la 'dus pa mi bskyod rdo rje'i dbang sngon du 'gro ba can gyi rim lnga'i myong khrid/ de dang rjes 'brel gyi rgyud dang / skyed rdzogs kyi rgya bod kyi yi ge mang po'i lung la sogs pa'i nyin re bzhin yang chos thun bzhi bzhi gtong ba ma chag pa dang / rje bla ma 'jam pa'i dbyangs kyi drung du chos rje thams cad mkhyen pa'i bka' 'bum gyi lung yang ma chag par zhus/ slar myug du 'ongs te/ dus gsum gyi rgyal ba thams cad kyi spyi gzugs/ pha bla ma rig 'dzin chen po dbus nas spyan drangs te/ sgar pa nyi shu phyin dang bcas pa rgyas par bsnyen bkur te/ lcog ro klu phug gi gtsug lag khang du/ gsang ba las kyang ches shin tu gsang ba dpal sgrub chen bka' brgyad gsang ba yongs rdzogs kyi 'di dus bka' brgyad bye brag pa'i dbang mang po gsan pa la/ de'i tshul rgyas par gnang ba'i dgongs pa yod pa la/ phyag bris 'phro mar lus pas bar 'dir ma tshang ba 'dug pa mchan bu'i 'di rjes su btab pa yin no/ /de dag ni rang nyid skyes nas da lta'i bar gyi byas byung rags pa ste/ legs tshogs su gtogs sam snyam pa tshun bris pa yin la/ byas so cog bris na ni la la ni byis pa rnams dgod 'chor la mkhas pa rnams khrel bar 'gyur ba'ang yod/ la la ni thams cad snying rlung ldang la thug pa'ang yod/ skyon gyi khongs su gtogs pa rnams sbed