[A:198]pa 'di so so'i skye bo kun gyi srol du 'dug pas yi ger ma bkod mod/ nged kyi spyod pa dang rnam 'gyur rnams thams cad kyis mngon gsum du gzigs pa 'di ga yin pas yi ger bris ma bris la ma ltos shing / sbas pas sbas go chod par yang mi 'dug ste/ thogs med dus nas goms pa'i bag chags shugs/ /bag med spyod pa mkhas pas khrel pa'i gnas/ /grangs med bgyis rnams yi ger ga la ldang / /sgrib med mngon sum gzigs pa 'dis chog mod/ /mkhas rnams yon tan sbed pa lhur mdzad mod/ /byis rnams yon tan cung zad ngo sor 'khyer/ /de phyir 'bad pas rang gi yon tan tshogs/ /ma sbas yi ger bkod pa 'di yin no/ /mdor na rab tu byung ba'i mdo don/ tshul gnas thos dang bsam gtan pas/ /sgom pa la ni rab tu sbyar/ /ces gsungs pa dang mthun pa zhig dgos rgyur 'dug pas de'i dbang du bgyis na/ spyir tshul khrims kyi phung po la nyes pa'i dri ma mi 'byung ba'i rgyu/ ltung ba rnams kyi spyi dang rang gi mtshan nyid gnang bkag gi spang blang rgyas par shes pa dang / bslab pa la gus pa dang / 'jigs pa dang ngo tsha bas bag yod pa dang / nyon mongs nyung ba zhes bya ba bzhi po 'di yin pa la/ bdag la de dag cher med cing / de dag gi zlog phyogs rnams shas che bar tshang ba'i mthus sdom pa'i spang blang phra zhing phra ba ni bsrung ba'i sngon la ngo