[A:19]na wa gros mgo gar 'jug tshang brlag pa 'di 'dra min par/thog mar zhi bas 'pham blangs/ gal te des mi 'dul na zlog tu med pa'i dpa' nus kyis phas rgol de stobs che chung la ye ma ltos par slar mi skye ba'i chos can du thal bar stong pa sogs 'jig rten gyi phyi mo nyan nges kho na mdzad/ chos phyogs nas/ deng sang gi bla gum spra cal kha cig dang mi 'dra bar/ spyir chos dang gang zag thams cad la dag snang phyogs med du mnga' bas/ rang rang gi lugs kyi bstan dang bstan 'dzin thams cad la gus pa dang bsti stang du mdzad mod/ rang gi rtsa ba'i grub mtha' rje btsun sa skya pa'i bstan pa/ de las kyang snying por gyur pa bdag chen rdo rje 'chang yab sras las ston dang bstan pa gzhan nas mi 'tshol/ ja sig re tsam dang / rta drel re tsam la rtsa ba'i grub mtha' dang bla ma thams cad 'tshong ba'i thugs mnal lam du'ang mi mnga' ba sogs/ chos dang 'jig rten gnyis ka nas dpe thub pa'i legs tshogs kho nas dus 'da' ba'i ngang nas/ dgung lo drug cu rtsa brgyad bzhes pa'i chu pho khyi'i lo khrums can gyi zla ba'i tshes bcu la zab mo'i rnal 'byor las ma g.yos bzhin du/ thog ma'i lung bstan ltar na/ sku skye ba gsum brgyud dgos par snang mod/ de'i rjes su lam zab mo du ma zhig gi nus pas/ skye ba de nyid kyis byang phyogs rgyal ba'i zhing du 'byon pa'i ltas ngo mtshar ba bsam gyis mi khyab pa dang / mkha' 'gro chos skyong gi bsu ba mngon sum du