[A:20]bdag cag rnams kyis mthong ba dang ma mthong ba du ma dang bcas te zhi bar gshegs pa'i tshul bstan rin thang med pa'i rin po che'i phung po sku gdung de nyid bdag ni/ bsod nams dman pas phyag phyi ma thub/ chos lung nas mkhan rin po ches mchod sprin rgya mtshos bstabs te zhugs la zhen pa'i tshe me'i tshogs kyis sku la reg par ma nus par re zhig na thugs ka'i thad nas me rang 'bar te yud kyis zhugs bzhes shing / gdung thams cad ring bsrel gyi phung por gyur/ ches dkar ba'i sa la sku gdung cung zad bsres nas dpal phyag na rdo rje'i sku khri khrag mang po btab pa thams cad kyang rang bzhin gyis baiDUrya sngon po'i mdog lta bur 'gyur ba sogs/ gzu bor gnas pa thams cad mi phyed pa'i dad pa la 'god par mdzad pa'i ltas du ma zhig /skye bo mang po'i mthun grub tu byung ba yin no/ /des na rang cag 'di'i rigs su skyes pa rnams/ dus kyis ma khyogs pa la khag btang / sku yon che bar grags pa mang po'i lad mo byas/ mi chos kyi mna' dang / lha chos kyi dam tshig la rtsi 'jog med par/ dgos pa'i dbang yin pas skyon med ces gang ngan la ngo sor 'khyer ba de 'dra rmi lam du yang mi bya bar/ pha rgan des ji ltar mdzad pa'i rjes su zhugs nas/ chos dang 'jig rten zung 'jug tu khrig khrig byas/ 'di phyi gnyis ka yod pa re mi byed ka med yin pas/ nor su che dang stong 'ur su che la bla ma mi re/ rta drel dang grub mtha' mi brje/ lugs gnyis nas rang lugs zin nges re dgos so zhes/ phyis 'byung