[A:217] las rgyas pa'i lha/ sna tshogs yum/ rdo rje shugs/ khyung khra rnams kyi rjes su gnang ba/ bsdus pa'i rgyud kyi rgyal po/ rgya cher 'grel pa dri ma med pa'i 'od dang bcas pa/ chos rje bla ma dam pas mdzad pa'i TIka chen gyi steng nas bshad bka' shin tu rgyas pa/ rdo rje snying po'i 'grel pa dang / bde mchog bstod 'grel/ dbang mdor bstan/ rgyud phyi ma/ bla ma yongs bzungs kyi rgyud rnams dang / sbyor ba yan lag drug pa'i nyams khrid bu dol rje bla ma'i lugs te gsum/ paN chen nags rin lugs dang / de dag dang 'grel ba'i rgya bod kyi yi ge rab tu mang po mtha' yas pa'i lung / grub chen ayon pas rdo rje rnal 'byor ma las dngos su nos pa'i zab lam rdo rje gsum gyi bsnyen sgrub kyi myong khrid/ zla seng ba'i lugs ma tshang ba med pa dang / bsod nams 'od zer ba'i gzhung bshad sogs yi ge mang po'i lung rnams thos shing khongs su chud par bgyis/ dpal kye rdo rje'i phyogs la bka' babs bzhi bzhugs pa las thog mar rje btsun rnal 'byor gyi dbang phyug dpal ldan chos skyong bir wA pa'i gsung gi man ngag rje gha ya dha ra las brgyud de 'ongs pa man ngag lugs su grags pa'i yab kyi rgyud dang lam gyi dbang gi chu bo ma nub pa/ yum gyi rgyu'i dbang / byin rlabs kyi brgyud pa ma nyams pa rnams zhus nas/ bstan pa yongs rdzogs kyi nyams len gsung ngag rin po che lam 'bras bu dang bcas pa'i slob bshad thun mong ma yin pa'i