[A:22]dbang phyug tu gyur pa de'i lcam sring ma byang sems bu khrid mar grags pa khab tu bzhes pa'i sras kyi thu bo nam mkha' rgyal ba 'jig rten snying po med pa'i rang zhal gzigs nas/ rje btsun lce ston paN chen las dge bsnyen mdzad/ phyis su mkhan chen thams cad mkhyen pa'i zhabs drung du rab tu byung zhing mtshan rig 'dzin rdo rje bdud 'dul du grags ba de'ang thugs rab che zhing thugs gsal ba/ gong du smos pa'i dam pa de dag phal cher dang / sprul sku shAkya bzang po/ rig 'dzin chen po tshe bdag rnam rgyal/ gnubs chen rin chen dpal bzang / rje btsun chos kyi rgyal po mnga' ris rig 'dzin chen po/ rje kun bzang mthu stobs/ grub mchog mchog legs rdo rje/ bla ma rin po che/ dge slong chen po sogs dam pa du ma'i zhabs la gtugs/ spyir sa kar rnying gsum du grags pa'i gdams pa du ma gsan/ khyad par gsang sngags snga 'gyur gyi chos mang du gsan zhing sbyangs/ gtso bor mkhan chen thams cad mkhyen pa'i drung du thugs sgrub mthing kha'i dbang lung rdzogs par gsan cing / dus dang rgyun gyi bsnyen pa bsam gyis mi khyab pa mdzad cing / dpal 'khor lo sdom pa gshed dmar lha lnga/ rdo rje gzhon nu sa lugs/ gu ru drag dmar/ thugs sgrub yang snying 'dus pa/ phyag rdor mdo lugs/ phyag rdor 'khor can/ 'chi med 'od snang / sgrol dkar sogs yi dam du ma'i bskyed rdzogs bzlas par bcas pa dang / mkha' 'gro chos skyong rnams la'ang gtor bsngos tshar gnyis ma sogs rgyun