[A:21]ba'i rigs kyi tsha bo rnams la btsun rgan 'ba' su ba des kha chems su bzhag pa yin no/ /yid bzhin nor bus gtams pa'i chu gter gyi/ /kha dog mthong bas skrag pa'i rdar ma rnams/ /phyogs de'i gtam yang bdag gir mi byed na/ /rin chen bgo skal thob pa'i skal ba ci/ /ltar snang 'jig rten spyod par mthong ba yis/ /yun ring bsten kyang pad mtsho'i sbal pa bzhin/ /skal dman phal gyis dam par ma mthong na/ /rgyus med skye bo rnams la smos ci dgos/ /kha cig gzhan zer tsam la tshad mar 'dzin/ /la la sdang bar zhugs pas yid dbang 'khrugs/ /phal chen yon tan skyon gyi dbye 'byed bral/ /des na dam pa'i yon tan mthong ba nyung / /kha cig de la 'di 'dra ma byung bas/ /khyed la ci 'byung des na brdzun yin snyam/ /sems yod skye bo phal la mi 'byung ba/ /de phyir dam pa'i yon tan mchog tu grub/ /a ho 'jig rten phun tshogs mtha' dag la/ /rol bzhin 'jig rten spyod las 'da' 'gyur ba/ /'jig rten 'jig rten 'das pa'i phun tshogs la/ /rol khyod 'jig rten 'di par phal gyis mthong / /bdag ni dus 'di nas bzung byang chub bar/ /bdag nyid che khyod zhabs rdul bsten bgyid na/ /bdag dang bdag gir byas pa'i spun rnams kyang / /bdag lta'i g.yul las rgyal bar mdzad du gsol/ /de ltar bdag gi pha rgan de bltams nas ring po ma lon pa na yum de nyid chos kyi dbyings su thim pa la brten nas/ gtsang tshong 'dus mgur mo'i khri dpon lugs gnyis kyi