[A:230] zhing skyong kun dga' gzhon nu sgar lugs kyi rjes gnang dang bcas pa/ dpal mgon ber nag can gyi rjes gnang / trag shad spu gri gcig shur gyi rjes gnang shog dril bcu gsum sogs man ngag du ma'i lung / jo mo bkra shis tshe ring ma'i rjes gnang man ngag dang bcas pa rnams thos te/ de ltar na re zhig gsang sngags gsar ma'i phyogs ni de tsam mo/ /gsang sngags rnying ma bka' gter du grags pa'i dang po bka' ma'i phyogs la/ na rag dong sprugs dam pa rigs brgya'i rdul tshon gyi dkyil 'khor chen por rim gyis lugs kyi dbang rdzogs pa lung dang bcas pa/ rje bai ro tsa nas spang mi pham mgon po la snyan brgyud du gdams shing mi rabs bdun gyi bar 'ja' lus kyi ming can ye shes kyi sku mngon du mdzad pa kho na byung ba'i zab chos rdo rje zam pa'i skor la/ yang dag grub pa lha bdun gyi rdul tshon gyi dkyil 'khor du sgom tshul bla ma'i byin rlabs rgyas 'bring bsdus gsum tshe dbang dang bcas pa zhus nas rdo rje zam pa'i nyams khrid/ yi ge ma tshang ba med pa'i lung / bka' srung 'bar ba'i gdong can ma'i bka' gtad dang bcas pa/ phur pa man ngag drug pa'i dbang / lcam mchod gnas ma'i lugs kyi tshe dbang / gshin rje 'khor lo nag po'i skor la/ rig rgyal chen po lha zhe drug gi rdul tshon gyi dkyil 'khor chen por bam chen gsang pa'i dbang bzhi yongs su rdzogs pa/ dbang 'bring po/ bkra shis tshe dbang rnams zhus nas/ stod dkar po byang chub lam gyi sgron ma dang / smad drag po las kyi 'khor lo nag por sgrub pa'i man ngag yongs su rdzogs pa/ 'jam dpal