[A:231]gshin rje gshed dmar po phyi 'gyur gyi dbang bskur ba man ngag dang bcas pa ste/ grub chen dha na ta las gnubs yon tan rgya mtsho la gtad pa'i drag sngags gshin rje gshed dmar nag yongs su rdzogs pa rnams thos/ gter ma la/ mnga' bdag khri srong lde btsan gyi skye ba bcu drug pa mnga' bdag myang ral pas srin mo sbar rjes nas spyan drangs pa'i bla ma drag po dmar po'i dbang rgyas pa smin lam dbang gi rgyal po snang srid lha 'dre'i srog dbang / dbang rdo rje spyi lugs/ rtsa ba don dang yan lag gi dbang bzhi pa/ dbang bsdus pa cung mi 'dra ba gnyis/ byin rlabs lu gu rgyud kyi gtor dbang / dbang drag dpa' bo lha gsum gyi rjes gnang rnams zhus nas/ gzhung chen bde gshegs 'dus pa/ 'bring po drag sngags me'i spu gri bsdus pa dpa' bo lha gsum rnams kyi man ngag ji snyed pa'i lung / lho brag kho mthing nas spyan drangs pa'i sgrub chen bka' brgyad bde gshegs 'dus pa'i sgrub dbang rgyas pa dang / don dbang bsdus pa zhus nas/ bde bar gshegs pa thams cad 'dus pa'i rgyud la sogs pa rgyud lung nyi shu/ dbang gi mdo byang chen po sogs man ngag bsam gyis mi khyab pa'i lung / bka' srung ye shes mgon po phyag bzhi pa lha bcu gcig gi bka' gtad/ sku gsung thugs khros pa'i rgyud dang / sgrub thabs sogs man ngag du ma'i lung / yer pa ser ba gdong nas spyan drangs pa'i padma dbang chen yang gsang khros pa'i dbang / 'chi med tshe'i rdzong chung gi dbang / rgyud dang man ngag du ma'i lung / bka' srung gying lnga gza' gdong gi srog dbang man ngag dang bcas pa/