[A:242]bka'i dbang / rigs brgyud spel ba'i dbang / gong ma bzhi/ tshe sgrub ye shes 'od mchog gi dbang rgyas pa/ tshe sgrub phyi nang yongs rdzogs kyi dbang / 'jam dpal tshe bdag zil gnon chen po 'od kyi thig le'i dbang / 'phags pa mi g.yo ba'i dbang / khyung chen gsang ba yang tig gi dbang / srin mo sbar rjes nas spyan drangs pa'i rnam pa bcu gnyis kyis byang chub pa'i dbang / thugs gter nas byon pa'i ghu ru zhal gsum phyag drug pa lha bzhi bcu rtsa gcig gi dbang bzhi/ gtor dbang rnams zhus nas de dag gi yi ge shog ser nas ji snyed 'gyur pa ma lus pa'i lung / kun bzang snying tig gi nyams khrid/ zhi khro dam pa rigs brgya'i dbang / padma snying tig dbang bzhi ye shes lnga rdzogs sogs thor bu du ma'i lung / gzhan yang 'od gsal sgron ma drug pa'i dbang / nyams khrid/ zab mo rgyud lnga cha lag dang bcas pa'i lung / sprul sku grwa pa mngon shes kyi gdams pa dzaM bha la dmar po dang / gnod sbyin zhang blon phyi grub ber nag can lha lnga'i rjes gnang / gter ston sta sde hUM 'bar gyi man ngag drag sngags mon pa ke ta'i rjes gnang man ngag bcas pa/ rong zom chos kyi bzang po'i gter ma mkha' 'gro rig byed rtsal gyi rjes gnang man ngag gi lung / rgyud mgon legs ldan nag po'i rjes gnang / mdo mgon ljang sngon drag po'i dbang bzhi yongs su rdzogs pa/ dur khrod mngon par rol pa mtshon cha 'khor lo'i rgyud/ dkyil 'khor bdun sogs man ngag mtha' yas pa'i lung rnams thos te/ de ltar na/ 'bad pa chen pos bla ma dam pa rnams mnyes par