[A:243]bgyis te/ kha sag dang stong zhus ma yin par gser gyi maNDal dang tshogs kyi 'khor lo sogs bla ma yi dam mkha' 'gro mnyes pa'i mchod gtor dang / yon gyis blus pa'i dbang lung man ngag yongs su dril pas gsang sngags gsar ma'i phyogs la rgyud sde bzhi dang rjes su 'brel ba'i dpa' zung bka' brgya dang bcu drug /byin rlabs dgu bcu rtsa bzhi/ rjes su gnang ba brgya dang bdun cu rtsa brgyad de/ spyi bka' rnams dang bsdoms pas dbang bskur ba sum brgya dang nyi shu rtsa gsum/ rjes gnang drug brgya lhag pa/ khrid bka' brgya nyer gcig tsam dang bcas pa/ gsang sngags rnying ma'i phyogs la dbang brgya dang don gcig tsam dang / rjes su gnang ba sum cu so gcig khrid bka' sum cu rtsa brgyad tsam zhig legs par thos shing / de dag thams cad la rang rang gi brgyud pa rim par byon pa rnams kyi phyag len phra rags/ tha na rdor dril 'dzin tshul dang rnga tshig tshun ma 'dres par legs par sbyangs/ phal che ba zhig gi bris sku glegs bam/ dbang chas sogs ma tshang ba med par bzhengs/ rang don du thos bsam sgom gsum gang lcogs dang / gzhan don du 'chad dang rtsom pa gdul bya'i 'dod pa bzhin ngal ba med par bgyid bzhin pa 'di yin pas/ thob thob ces bya ba'i ming rkyang tsam du ma lus pa'i khungs yin no/ /slad nas kyang / ji srid 'chi ba'i dus tha mar ma sleb kyi bar/ dge ba'i bshes gnyen bsten pa dang / da lta bka' ma nub par bzhugs pa'i mdo sngags gter gyi chos ji snyed yod pa de dag ma lus shing lus pa med pa thob par 'gyur ba'i bsam sbyor skom pa chu 'tshol ba lta bu 'di nyid nam yang rgyun ma chad par brtson