[A:246] dus rgyun du'ang rje btsun sa skya pa'i thugs dam gyi snying po chag med bzhi zhes grags pa'i lam zab phyi nang dbang bzhi'i lam stan thog gcig tu nyams su blangs pa'i man ngag sngon du 'gro ba'i lam bsdus dal dus thun bzhi dang / shin tu brel tshe thun gnyis ma/ bla ma rin 'byung / tshar gsum khug pa/ bir bsrung thun mong dang thun mong ma yin pa/ nA ro mkha' spyod rnams thun re/ 'khor lo sdom pa lo nag dril gsum gang 'os re mos dang / gsang 'dus mi bskyod pa/ gshed dmar lha lnga/ bde chen ral gcig /phyag rdor gtum chen/ yang phur gnyis rnams long skabs dang bstun pa'i dkyil 'khor rdzogs pa'am/ gtso rkyang gi mngon rtogs bzlas pa dang bcas pa/ phyag rdor u tsa/ sgrol dkar/ 'od zer can/ tshe dpag med/ gzungs gra lnga rnams kyi mngon rtogs bzlas pa dang bcas pa/ mkha' 'gro chos skyong rnams la gtor bsngo thun bzhi/ gur gyi brag rdzong ma nang khrid dang bcas pa brul gtor dang / bsil gtor/ cha gsum sogs 'chag med kyi khungs kha cig byed kyi yod la/ rje bla ma rdo rje 'chang yab sras las gang thob pa'i zur bka' bla med 'di rnams sku drin bsab phyir re re la'ang sgrub mchod brgya tshar re dang / bla chen thugs rje can de'i thugs dam gyi snying po 'jigs byed bcu gsum ma 'di stong tshar gcig e thub snyam dam bca' 'gyis mod/ de snga phan la/ dpal kye rdo rje man ngag lugs kyi bdag 'jug brgya tshar gsum/ dus kyi 'khor lo sku gsung thugs yongs su rdzogs pa'i bdag 'jug brgya dang nyi shu rtsa bzhi/ bde mchog lU hi pa brgya dang drug cu rtsa lnga/ bde mchog dril bu lus dkyil lnga bcu rtsa lnga rdo rje 'jigs byed bcu