[A:24]lugs gnyis dpal 'byor gyis/ /dgyes bzhin dag pa'i zhing du byon lags mod/ /shul du lus pa'i bu brgyud 'di rnams la'ang / /da dung thugs rje'i spyan rgyang gzigs su gsol/ /de lta bu'i sku mched gnyis kyi khab tu se ston dpal chen 'bum dang nyi ma bzang po sogs yang phur gshin rje dang bcas pa'i zhal gzigs shing / dam can bran bzhin du 'khor ba'i sngags 'chang zam ma chad par byon pa'i gdung brgyud 'dar chos rdzong pa zhes grags pa'i sa skyong dbang po/ dpal ldan sa skya pa'i dpon don yod rnam rgyal zhes bya ba'i sras mo tshe brtan bu 'dren zhes bya ba bud med kyi skyon brgyad spangs shing / yon tan thams cad kyis phyug pa/ phongs pa dang sdug bsngal ba dang mgon med pa thams cad kyi mar gyur pa/ skye bo rnams kyi ma 'dres pa'i mdza' shes/ byis pa'i dus nas bdag chen rdo rje 'chang chen po'i zhal snga nas dang / zur tshe bdag chen shAkya gshin rje/ 'jims chen kun dga' snying po/ paN chen shAkya mchog ldan sogs dam pa du ma bsten nas chos tshul du ma thob cing / khyad par rje btsun rdo rje 'chang sgo rum pa'i zhabs la mi phyed pa'i dad pa mnga' bas ci mdzad de phyogs su gtong ba/ rje btsun lce ston paN chen/ mkhan chen thams cad mkhyen pa/ 'khrul zhig kun dga' chos ldan rnams las gdams pa'i snying po thob nas thugs nyams su bzhes/ dpal gur gyi mgon po'i yi ge bdun pa sa ya gsum song zhing rjes su bzung ba'i mtshan ma yang thob/ nA ro mkha' spyod kyi thugs dam chag med du mdzad pas mnal