[A:25]lam du rdo rje rnal 'byor ma zhal gnyis ma gser btso ma'i mdog lta bu gzigs shing / phag skad kyi ngur sgras sa be re re byed pa'ang gsan pa sogs yon tan du mas mdzes pa de nyid las/ bdag cag ming sring kha yar skyes 'dug na'ang phan thogs pa bdag cag lnga byung ba las/ bdag yab dgung lo zhe gcig bzhes pa shing pho spre'u'i lo/ zla ba bzhi pa'i yar ngo nyi ma me bzhi'i 'grub sbyor ram gza' da lta ba'i spen pa'i phung po me bzhis bsregs pa'i 'chi sbyor yod pa'i nyi ma rtse shar la lte bas chos gos bzhin du dkris/ a zhes bya ba'i skad drag po 'don bzhin du btsas 'dug /de'i tshe la las btsan gyi zhags pa thebs pa yin mi 'tsho zer ba sogs chal chol mang po lab 'dug na'ang / gso ba rig pa'i pha rol du son pa'i 'tsho byed rin chen pa zhes bya ba sku drung na bzhugs pa de na re/ 'di'i lte ba'i dkri tshul la dpyad na/ nges par bstan pa la phan pa'i dge bshes zhig 'byung zhing / rgyud las/ de 'dra gso sla mi nor bkra shis byed/ /ces 'byung bas/ khab tu bzhugs kyang gzhan dang mi 'dra ba zhig 'byung zhes lung bstan de'i tshe/ sngar bu mo tsam dang ci yang skye ma myong ba'i bud med mang po zhig la bu khye'u kho na btsa' ba sogs bsod nams yod yod 'dra mo ni byung nges su gda'/ bu chung de yang sha'i mdangs dkar ba/ dpral ba'i dbyes che ba/ sna'i gzengs mtho zhing smin ma 'brel ba/ sme ba dkar po'i ga sha yod tsam byas pa zhig 'dug ces thos/ btsas ston