[A:4]dbus bzhugs su gsol/ /mthu stobs nyi 'od bdud dpung mun pa'i gshed/ /dngos grub 'od dkar skal bzang ku mud gnyen/ /dran pas gdung sel khrag 'thung yang phur zhes/ /nyi zla ltar grags de yis gzigs su gsol/ /mkha' khyab chos dbyings ye shes zhi ba'i ngang / /dmigs med thugs rjes rab khros khro bo'i gar/ /snying gi mun sel rje btsun 'jam pa'i dbyangs/ /lha mchog khyod kyis da dung ma gtong zhig /dgyes mdzad khros pa'i mkha' dbyings las 'ongs shing / /rmad byung mthu stobs zer 'phreng bye ba brgyas/ /bdud dpung mun pa mthar byed nag po che/ /lha mchog nyin mo'i mgon pos bdag la skyongs/ /mdor na rtsa brgyud bla ma thams cad dang / /rab 'byams rgyal ba dkon mchog yi dam lha/ /mkha' 'gro chos skyong nor lha gter bdag bcas/ /skyabs gnas mchod 'os kun la phyag btsal te/ /sngon byon dam pa 'ga' yi rjes zhugs nas/ /bdag gi rtogs brjod sgro skur spangs pa'i gtam/ /dad ldan gus pa'i zhal ngo ma chogs par/ /cung zad 'dzem pa spangs te bri bar bya/ /skyon med dal 'byaur lus bzang thob kyang phal cher mi khom dbang du song / /shAkya'i sras kyi rjes su zhugs kyang shAkya'i gsung la rgyab kyis phyogs/ /yongs 'dzin dam pa ji snyed bsten kyang dam pa'i byin rlabs cher ma zhugs/ /zab rgyas dam chos dpag med thob kyang phal cher ming rkyang tsam du bas/ /de slad sa chen rdul dang rin chen bzhin/ /bdag skyon mtha' yas yon tan srid pa tsam/ /cung zad mchis na'ang snying po ma mthong na/ /yi ge'i ngal ba 'di 'dras ci zhig bgyi/ /'on kyang tshul 'dis bstan la mi phan mod/ /rnam kun gnod par mi nus de bsams nas/ /rkun po'i nor bzhin