[A:5]skyon rnams sbas nas ni/ /'bad pas yon tan gang yod 'dri bar bgyi/ /e ma hoH de la gtsang stod bo dong er chos ldan rgyal po'i rigs su skye ba blangs nas/ skyes bu dam pa mang po dang / ches mchog tu sku drin che ba'i dbang por gyur pa chos rje sgo rum pa chen po yab sras gsum gyi sku drin las/ rgyal ba'i bstan pa rin po che la dang ba dang / shes pa dang / yid ches pa'i dad pa thob pa'i mthus/ ris med pa'i chos kyi rgya mtsho chen por 'jug nus pa'i dpa' bo/ rig pa 'dzin pa mkhyen brtse'i dbang phyug ces bgyi ba bdag gis/ lo brgyad lon pa na rje btsun rdo rje 'chang sgo rum pa chen po'i zhabs las rab tu byung ba nas bzung ste/ deng sang gi bar du bla ma dam pa'i sku drin las rnyed pa'i yon tan ni cung zad tsam/ so so skye bo'i rang bzhin ngan goms kyi skyon ni mtha' yas pa zhig /nyung ngur gyur pa'i rtogs brjod dag kyang brjod pa la dgos pa dang / ma brjod pa la skyon du 'gyur ba sogs ni ci yang med/ de lta na'ang snang ba gdong 'ded gzhir bzhag nas/ da ltar gyi shes pa la gang shar de sbas gyib med par chol le smras gtong ba nga rang gi srol yin pa ltar/ 'ga' zhig gi ngor che long zhig smras pa 'di la dgyes pa yod na yang legs/ mi dgyes pa yod na yang legs/ gang byung kyang legs pa sprang po'i chal gtam chen mo zhes bya ba 'di lta ste/ gang zhig bla ma dam pa bsten pa dang / /zab dgu'i gdams pa rgya mtsho thos pa dang / /las 'phro smon lam thugs rje'i 'phro 'thud pas/ /ngo mtshar gtam gyi snang brnyan mang du snang / /ma rig mun thibs