[A:51]gcig tu 'dres/ /'dres khyer bla mas ma bslus nga re skyid/ /de nas dben gsum la zhag bdun dang / sor sdud la bdun te mun mtshams zhag bcu bzhi shin tu dam pa mdzad/ nged rang la khyer kha med kyang bla ma'i byin rlabs dang gdams ngag gi zab gnad kyis nyams myong yang cung zad skyes/ kha phyir bltas kyi zar zir tsho la zhen pa med pa zhig byung / nyin mo'i rnal 'byor bsam gtan sogs kyang nyams khrid kho na mdzad de/ zla ba gsum la yan lag drug gi dngos gzhi grol ba mdzad/ sems 'grel skor gsum dang / sbyor drug gi yi ge rgya bod kyi dam pa mang pos mdzad pa sogs mdor na rje nyid la ji ltar mnga' ba'i lung man ngag thams cad bum pa gang byor gnang / rje bla ma dam pas mdzad pa'i sbyor drug la zhen pa byas/ mun mtshams kyang zhag gsum re mdzad pa'i khrid du gnang / de thams cad rdzogs pa'i mthar rdo rje slob dpon bdag po dang bdag po chen po'i dbang bskur te bstan pa'i rgyal srid gtad/ de dag gi skabs su yang tha na lha bshos 'jog tshul dang rdo rje dril bu 'dzin tshul tshun chod la zhib cha'i phyag 'khrid gnang / lung mang po gnang ba'i skabs su'ang bdag gcig pu la gzigs shing / yengs pa'am/ gnyid bro'i 'dug na brda tsam mdzad/ chos grol ba dang / tha'i khyer kha la dpa' der bsdad pa tsam gyis thob na ka ba dang chab ril sogs thams cad kyis thob mod/ de 'dras ci yong khyod la 'di'i bdag po re ba yin