[A:52]mod/ sems ma 'khrul ba bgyis la nyon/ dka' ba'i gnas su ngas labs pa 'di tsho'ang ma brjed pa gyis gsung pa dang / skabs 'gar nga khyod la re chen po zhig yod de gsung thugs chad de ba'i gsung yang byon nas mdor na lan cig ma yin par legs pa'i lam la sbyar ba 'di gcig pu'i sku drin la'ang khyer thabs mi gda'/ a ho srid lam dub pa'i mgon med bdag /bdag nyid chen po khyod kyi sku drin las/ /las bzang zab lam sgom pa'i skal bar ldan/ /ldan grol can du byed pa'i rang dbang thob/ /thob kyang ngan goms dbang du song ba bdag /bdag nyid chen po khyod 'dra'i drung du yang / /yang dag ma yin sems kyi gya gyu dang / /dang po'i lha yis byin rlabs gnyid rmugs 'thibs/ /'thibs te gtam rgyud snyan pos sems rab yengs/ /yengs tshe se gol sgra yis gcig tu gcun/ /gcun kyang yar bskyed med pa'i tha shal sems/ /sems can dud 'gro'i khyu ru gtogs la khad/ /gzhan yang de'i lo dpal sdom pa chen po dang / gsang ba 'dus pa 'jam rdor sa lugs/ mkha' 'gro rgya mtsho sogs zur bka' mang po dang / rdo rje 'phreng ba dang kr-i ya bsres pa'i dbang la sogs pa dbang mang po/ phyag rdor gos sngon can dang / rdo rje shugs sogs rjes gnang mang po/ brtag gnyis 'grel pa skor gsum sogs lung mang po ste/ mdor na zla ba bcu'i bar nyin re bzhin bar ma chad par gsung chos kyi sku drin bsam gyis mi khyab pa zhig thob/ sbyor drug