[A:55]gi lung phal che ba dang bcas pa sogs gsung chos khams chen po nyung ngu zhig thob/ lo bcu bdun du sleb pa'i zla ba dang po de'i nang du bde gsal mgon khang du mtshams byas/ lha chen pad gdong ma'i bsnyen pa zhig byas pa yid ches po zhig byung ba yin/ a ho grub pa'i rigs su skyes tsam gyis/ /nag po'i mtshan ma phal cher rdzogs 'gyur na/ /bla ma'i lung gis legs par mnga' gsol tshe/ /'phrin las kha lo sgyur bar cis mi 'grub/ /dpal ldan 'a zhwa ye shes g.yung drung nas/ /'a zhwa mthu chen mgon po rin chen 'bar/ /zhal mthong gsung thos dgra bgegs chom la phab/ /grub pa'i lag rjes gsal pa kho na yin/ /khyad par pha rgan grub pa'i dbang phyug des/ /lan cig min par zhal gzigs bran du bkol/ /thugs kyis brtse ba'i bran khol rnams kyis kyang / /lha 'di'i cho 'phrul mthong ba mang du byung / /pha de'i gdung gi thig le las skyes shing / /pha rgod bla mas yang yang bka' bsgos pas/ /pha nor bu yi spyod pa 'os yin zhes/ /pha mes brgyud pa'i lha 'dis kho bo bskyangs/ /'di la gtam gyi sbyor ba 'ga' yod kyang / /'di na gsal bar smra ba'i snod ma rnyed/ /'di dang mtshungs pa'i gsang ba'i gtam phal cher/ /'di bzhin nam mkha'i dbyings su phaT cig rgyob/ /da dus 'byung ba'i rigs kyi dpon rnams kyang / /khas phyug gang che'i rjes