[A:65]byed/ gzhi byes phyi nang med du skur pa kho na 'debs pa 'di tsho mthong tsa na nga rang gi de dus kyi bsam sbyor de la skyon ye ma byung ba 'dug go bcad snyam dga' spro dung dung ba skye'i gda'/ de ltar byas pa'i rten 'brel ma 'phyugs pa yin yong / bla chen dam pa 'di las phyis su chos kyi sku drin bsam gyis mi khyab pa zhig thob pa yin no/ skye bo dman dang dam pa'i khyad par dag /byas pa shes dang mi shes 'dis 'byed ces/ /sngon byon mkhas pas bsgrags pa la dpags na/ /tha chad bdag kyang dam pa yin tshod 'dug /'dug mod khyod kyi yon tan nyin skar mtshungs/ /mtshungs mod skyon gyi rnam grangs bsam las 'das/ /'das kyang dam par rlom pa'i ma rabs khyod/ /khyod la skur 'debs byed mkhan 'di rang mkho/ /mkho yang mkho ste mang yang mang nges shes/ /shes ldan gzur gnas kun gyis bkur stir byas/ /byas shes dam pa du mas lan brgyar bsngags/ /bsngags 'os mkhas pa'i drung na bdag re mdzes/ mdor na lo 'di yan gtso bor bla ma rdo rje 'chang chen po de nyid zla re zla gnyis ma gtogs skad cig kyang ma bral bar bsten/ bla chen 'jam pa'i dbyangs nyid lus dang grib ma bzhin du bsten nas ci byas chos su song ba zhig yin la/ bdag gi bla ma 'di nyi ma phyed yan chad thugs dam kho na la bzhugs/ de nas gsung chos gsung pa sogs mdzad/ rgyun