[A:66]gyi thugs dam mtshan phyed tsam la thun gtor phul tshog pa dang / gtor sgrub sogs kyi tshe grol ba dang / nam langs pa mnyam po byas pa'ang mang po byung / tho rang lhag pa ni rtag par 'gor/ thun mtshams thams cad du phyag dpe bris zhus kho na ma gtogs zhabs 'chag dang / bzhugs gral dang / bzhugs yong la zhal 'phros dang / ri skor sogs ye mi mdzad pas bdag kyang gar gnas su rdzog ge sdod/ chos kyi bya ba gang la'ang sems mi dub tsam 'di de dus nas goms pa'i lag rjes su gda' ste mdor na 'di yan chod skyid nges shes la chos 'phel ba'i skabs so/ /brgya phrag bskal par mtshan yang rnyed dka' ba'i/ /bla ma brten nas theg mchog zab mo'i chos/ /thos dang bsam pas nyin mtshan 'da' ba 'di/ bgrang pas bsod nams bsags pa'i lag rjes lags/ gzhan yang lo de'i sos ma rgan mo drin chen de'i phyags phyi byas/ nged rang sku mched bzhi char dpon g.yog shin tu mang ba dang bcas jo nang mjal du byon/ zhag kyang kha cig bzhugs/ rgyal ba'i mchod rten dpal yon can la zhabs skor yang nyin mtshan du ngal ba med pa dang / dgon pa la bsnyen bkur yang bsam gyis mi khyab pa mdzad/ rten gsum rnams kyang zhib par mjal tshe rten bshad mdzad mkhan gzims dpon sgrub chen pa bya ba des/ rdo nag po la ma Ni dkar po 'bur dod yod pa zhig bstan nas 'di kun mkhyen chen po'i phyag shan rdor ba'i brdar la ma Ni rang byon du byung ba yin gsung ba la/ dang po ni 'di 'dra