[A:81]rjes bsos pa ma gtogs thengs shig gi bar la yab yum drin can de dag gis dbu mdzad pa'i ming sring gnyen bshes thams cad thugs khral la gtad/ sha sdug 'bu sdug mnar yun ring ba'i thag chod pa zhig byung na'ang de'i sang de nas je bde la song nas sing nge drag /de'i bar la sdig pa dag pa yin nam phan gnod byed pa'i lha 'dre thams cad thogs med du mthong gi 'dug /nad yun de tsam gyi bar la bdag gi nu bo nor bzang drung des nyin mi dal mtshan mi gnyid skyo dub ngal ba cung zad kyang med par nad g.yog mdzad pas drin che bar bdog /las ngan tshabs cher bsags pa'i rgyu byas shing / /rkyen ngan dam nyams khor yug bsten pa'i mthus/ /nad ngan de yis mnar yun de tsam byas/ /zungs ngan 'chi bdag kha ru yud kyis chas/ /mkhyen ldan sman pa'i mdzad dgos thams cad zad/ /brtse ldan gnyen gyi tshogs rnams thugs khral kyang / /tshad ldan bla ma'i byin rlabs gcig pu yis/ /skal ldan kho bo ma shi tshe thar byung / /yun ring de la nyi na mtshan khyad med par/ /brtse bas bskyangs pa'i drin can gcung po khyod/ /bsod nams 'di yis bdud btul chos 'khor bskor/ /nyon mongs nad chen gso bar gyur ces smon/ /de nas bla brang dkar por 'dag sbyar byas/ oM gsum ma bzhi 'bum zhig dang gur gyi yi ge bdun pa 'bru 'bum zhig kyang bzlas/ khams bde zhing dge sbyor kyang 'phel bar byung / de grol nas slar nyang stod la phyin/