[A:82] dpal lha mo'i gtor khang du mtshams bsdams lha mo'i sgrub bsnyen zhig dang / tshe sgrub kyi bsnyen pa rtags thon pa zhig byas/ rin chen sgang gi rdzong 'debs pa'i sa chog gis gsung / de la dmigs nas gur gyi bsnyen pa kha gso zhig byas pa 'di yan la yi ge bdun pa 'bum phrag brgya dang nyi shu tsam song gda'/ der nyang stod rgyal khang chos sde'i mkhan po gyis gsungs nas byas/ sgrub mchod dga' mo zhig 'dug pa de'i mkhan po'i dkyil 'khor kye rdor yin zer man ngag lugs kyi rdul tshon du sgrub mchod rgyas par byas/ klang sder gyi mar khal du ma byung ba thams cad rgya phub shar nub tu mar mer phul/ cho 'phrul dang thug byung bas mtshan mo yun ring po bskor ba dang smon lam zhe dag pa nas byas/ nya'i nyin skya ser shin tu mang po zhig la dbu ma lugs kyi sems bskyed rgyas pa zhig bsgrubs/ slar lha mo'i gtor khang du mtshams byas nas bde mchog lU hi pa'i bsnyen pa zhig byas/ de phyogs kyi brel ba phal cher chod nas yos lo la bo dong duu sleb/ der bdag gi bla ma de'i zhal nas da lo bsnyen rdzogs zhig byas pa drag /bdag chen rin po che spyan drangs nas mkhan po zhus/ ngas las slob byed gsung ba la bslab gnyer 'di ma rdzogs ring bsnyen rdzogs then tsam byas na ji ltar yong / byed par shar na rje btsun chen pos rje sa chen la zhus pa bzhin bsnyen rdzogs kyi mkhan po thub dbang rang byon byung na'ang / rje nyid la zhu ba min pa gzhan la mi 'tshol zhus pas spyan chab gnang zhing yun ring du bzhad nas/ bsnyen rdzogs de