[A:83]da lo ga cis kyang grub na ma grub na mdzod/ dgongs pa de yin na ngas mkhan po los byed/ las slob de rin po che tshar pa 'os gsung pa ltar mkhan chen thams cad mkhyen pa'i zhal snga nas spyan drangs/ rang lo nyi shu lon pa mdzes byed kyi lo chu stod zla ba'i tshes brgyad/ grib tshod rkang pa gsum/ nyi ma gung tshig ma yol tsam la bkra shis kyi gtsug lag khang dpal ldan lcang lo can gyi pho brang du mkhan po don gyi slad du mtshan nas smos te gnas brtan chen po kun dga'i zhabs dang / las kyi slob dpon mkhan chen thams cad mkhyen pa tshar pa'i zhal snga nas/ gsang ste ston pa'i slob dpon mnga' ris bla chen/ grib tshod pa mkhas pa'i dbang po rje btsun dbon rin po che ngag dbang bstan pa'i rdo rje/ zhu ba po sde snod 'dzin pa'i gnas brtan sangs rgyas bzang po dang bcas pa'i dbus su bsnyen par rdzogs pa dge slong gi sdom pa legs par thob ste/ 'di na sangs rgyas bstan pa rin chen sgron/ /'bar ba'i snod ni dge slong nyid yin la/ /bla med sngags kyi ston pa rab mchog kyang / /dge slong rdo rje 'dzin pa nyid du gsungs/ /de ltar shes nas bstan pa mtha' dag la/ /bshad dang sgrub pa'i bya ba lhur len phyir/ /zhugs la yongs su rdzogs pa'i sdom pa mchog /bsod nams bgo skal nyid du bdag gis thob/ /bdag chen rin po che yang dbus nas yar phebs byung ba ltar/ nged cag nyang stod dang bo dong sgrags pa'i slob gnyer ba drug cu phyin dang bcas slar rta nag