[A:353]kyis rdzong gi tshoms chen dang / gzims chung ngo mtshar snang ba zung 'brel du bzhugs/ phyag len la 'jug gdong thams cad du yan lag lnga'i khrus zin nas rnam rgyal gzungs ring sgrigs 'don tshar bdun nas gsum gyi bar gang 'os zin nas rgyun du shub bur bzla bzhin pas tha mal gyi ngag spangs te bag yod pas las la 'jug pa sogs kyi sgrigs dang bcas/ thog mar gzungs sngags kyi yig phreng rnams la dri bzang sgron dus tsandan dkar dmar/ dzA ti rnams zhib btags mang po dang/ kha che bzang po bungs che/ ga pur gyi za ma tog che ba gcig rnams sde pa'i phyag mdzod nas rtsis sprod byung bas/ swa ga khru chen po gcig tu sbyar nas ting mang por bshams te sgron pas/ bsil sman gy-i ngad bzang pos las gra de'i khor yug tsam du yong mkhan thams cad yid dang bar byed pa byung / de nas gur gum gyis mdog bsgyur ba'i khyad ras bzang po'i khebs dang bcas pa'i stegs yangs po'i khar/ gzungs rnams dbu zhabs zhal phyogs go rim ma 'phyugs par bzhugs su gsol/ rje mkhan chen phyags phyir mchod g.yog gcig kho na 'khrid pa gnang / steng du sde pa zhal ngos gsan pa tsam yang med pa'i las gra der phebs/ sbyor rjes 'gril zhing 'dus pa/ skabs de'i thob cha dang mthun pa'i rab gnas shig myur bar mdzad nas/ par rnams kyi ka tho kha byang gi rim pa dang sbyar ba'i 'thud kha dang / skyon med cing 'thad pa dang bcas pa'i dbu dril/