[A:354] na bza'i dkris kha dog bkra bar spel ba'i zhal bkod bsgrub bde zhing rnam pa mdzes pa/ phyi nang gi rten 'byung zab mo'i dgos pa khyad par can dang ldan pa/ nan tan gyis dag par sgrub tu 'jug par gnang bas legs par brtags na yid ches gzhan las phul du byung bar 'dug go /par der ma 'dus pa'i kha 'gengs dgos pa rnams/ drung yig lha btsan pa dang / lo ma bstan pa sna grong pa rnams kyis bzabs bris byas te/ lam 'bras slob bshad bka' babs kyi brgyud pa gsum ldan/ nA ro mkha' spyod/ mgon po che chung rnams kyi brgyud pa'i mtshan gzungs/ gzhan yang smon lam dang shis brjod mang po dang bcas/ snag tsha'i gseb tu dri bzang dang / rin po che'i brdar phye btab pas bris/ de ltar thun mong gi phyag len rnams gzigs pas shes ldan phal cher yi rang zhing bstod bsngags brjod par gyur/ chos skyong gi rten kho na las thun mong ma yin pa'i gzungs sngags bris bkod mi gcig pa mang po la brgyud pa 'di'i phyag len gyi rgyun ma nyams shing / byin rlabs kyi ngad ma yal bar 'dug pas phyag len rnams gnas dben par man ngag gi snod du gyur pa sha stag gis mdzad/ de rnams zla phyed tsam gyi bar la shoms par grub/ nyi shu gsum nas chos sde klu khang rtser nub re bzhin bskang gso hrug tsam re gnang / yon mchod thams cad la 'dzugs ston pas sna nas bzabs par bteg pa'i gzhis len bzhugs gral gtsang khang mthil du mdzad thog /drung nas sprul sku ba la bkra shis kha btags/ phyag