[A:355]g.yog rnams la tshon si kha re'i zhal bsro mdzad/ nyer brgyad la sprul sku bas mgon po lha brgyad kyi rjes gnang zhus/ nyer dgu la mgon khang chen mor rten gtso 'khor thams cad kyi rus shing btsugs pa la sbyang ba rgyas pa dang / gzungs gzhug gi rim pa rnams dpon slob nyung bsdus snod min gyi skye bos dben pa'i ngang nas mdzad/ 'jim pa 'thag pa sogs bzo las thams cad dge slong dge tshul shas che bas byas/ ro gdan rnams zin dus srod phyi mo zhig la ro gdan rnams la linggar bskyed chog dang dgug gzhug rgyas par gnang / de nas sku'i khyon rnams kyi bzo 'grus po gtong ba la kho bo dang / bdag gi gnyug mar gnas pa'i dge tshul tshe ring rnam rgyal/ 'dres lnga nas sku gzhon pa/ 'o yug dka' bcu pa pad dkar rnams kyis snga zhogs las 'go 'dzugs pa dang dgongs mo las gzhug gi do dam bar mtshams med par byas rjes mkhan chen zhag 'ga' zung nas lan re tsam gzigs rtog dang 'jim pa byin rlabs la phebs/ sde pa yab sras dpon g.yog rnams kyang dga' ston gyi bzhes spro dang bcas gnangs res kyi phebs/ mchod yon rnams phebs dus 'du khang mthil du bzhugs yul gnang ring mi tshogs che bar yong bas mgon khang sgor sdoms gcod pa 'jog /skabs re 'du khang mthil du yang mi tshogs rnams phyir bsangs te/ yab sras rnams lhan du yun ring rab tu rje'i sku mdun du bzhugs/ dgos dbang gis sde pa rgyal bu lcam sring la dkar phyogs kyi gnang bkod gzhug skyong mthar 'don lugs mang po yang gnang /