[A:264]pa bka' rang las thos shing / gzhan don du gshegs gdong du yang mi chag par gnang ba ni zhabs 'bring ba dag las thos so/ /tshogs su lo gsum bzhugs nas mkhan chen nam bkras pa'i bkas bskul te/ paN chen lha dbang blo gros kyis thub bstan phyogs brgyar spel ba'i chos grwa skyid tshal 'og tu dgung lo bcu drug pa la phebs/ grwa tshang de'i dgun chos dang po nas bzung sgrigs 'grim mdzad/ chos rje rin po che paN chen lha'i mtshan can chos khri'i steng nas 'chad pa'i 'dzin chos blo mtho dman so sor rgyugs thun gyi bcad rgya gnang ba'i snga chos dgong chos gnyis/ thor chos la slob dpon rig pa'i dbang phyug tshul khrims dpal bzang pas chos khri'i rmang gi stegs bu nas gnang ba'i rgyugs thun rnams gsan pa la/ thog mar bsdus sbyor rigs mi gcig pa'i rtsi tshul khyab pa'i phreng ba du ma dang / chos mtshams 'chad nyan khang du slob ma'i drung du gnang ba'i mthar pha rol tu phyin pa'i gzhung don thal ngag tu 'dren pa'i lung khyab mang po slob dpon pa'i ljags spod las 'dzin pa gnang / de'i phyi lo lung grwar phebs te/ bstan bcos mngon par rtogs pa'i rgyan gyi spyi don chen mo/ 'jam dbyangs kun dga' chos bzang gis mdzad pa lung rig rgya mtshor grags pa'i steng nas slob dpon seng ge bzang po sogs rgya bod kyi 'grel bshad tshad ldan gyi rjes su 'brangs ba'i bshad srol/ mdo dang bstan bcos mang po'i lung gi rang gzhung bsgrub pa dang / brgal zhing brtags pa'i sgo nas gzhan gyi 'dod pa nor ba rnams sun 'byin pa'i rigs pa dang bcas te gsan/