[A:265] bar mtshams rnams su spyi don lung rig rgya mtsho dpe steng nas thugs la 'dzin pa'i brtson pa che bar mdzad ngang nas rin cen gling du skor tsam phebs/ phyag dpe bsnyel dogs gzhal yas khang du thun btsugs nas bshar sbyang mdzad pas/ yab nang pa mtsho skyes pa/ thugs kyi gting na dge ldan pa'i zhen yang che rab yod pa dang / kho rang gi dbon sras sku bgres pa la 'gyod thal gyi gsung / nged rang gi chos rje 'di'i dang tshugs ngang bslab sbyangs byed lugs kyi phyed tsam zhig chos rje smyon pa des byas na 'bras spungs pas nged rang seng ge rang la gtong ba yod pas zer ba mdzad/ skyid tshal du dbyar dang ston gyi dus/ dgongs chos kyi 'gor tshogs thams cad la thun mong du spyi chos kyi tshul du lung thun re gnang ba la/ chos spyod rab gsal sna mang po dang / theg pa che chung gi thun mong gi bslab bya/ lag len ston pa'i lam rim dang / man ngag gi glegs bam che phra mang po/ khyad par bka' gdams glegs bam dpe chos rin spungs/ bka' gdams gzhung drug /byams chos sde lnga/ sdom gsum rab dbye/ sa skya legs bshad sogs kyi lung rgyun mang po dang/ las 'bras kyi blang dor bslab bya mang po gsan pas thugs la nges pa khyad par can 'khrungs te/ lam gyi 'jug sgo ma nor bar spyod pa'i phyag len la 'debs pa mdzad tshul rnams rgyas par 'og nas 'byung zhing / 'phral mkhyen rgya rnams gzhan ngor zal 'don la mi dgyes rung / gsan sbyong gi ngang nas sne'u sdong rtser tshogs khrod du skor cig phebs dus/