[A:268]las mched grogs yin pa/ phyis sbyin bdag dang slob ma gyur pa'i rten 'byung du 'dug go /lo de'i zla ba bcu gcig pa'i nyi shu bzhi la rin chen gling dus mchod chen mo'i steng / mkhan brgyud na rim gyi gdan sa'i khri thog tu phebs/ sne'u sdong rtse nas dbon sa gong ma chen po'i 'ja' sa bsgrags/ gnang sbyin bzang po mdzad/ snyug la lha gdong nas nang so dpon blon pas thog drangs/ sde rigs sbyin bdag drag zhan gzhan yang tshogs chen sogs sde che phra'i 'brel yod kyi sa nas ja zhus bzang po mdzad/ de nas bzung lo re bzhin dus mchod dang sgrub mchod thog rin chen gling du skor re tsam phebs/ rgyun du grwa tshang du gsan pa'i mus la bzhugs pa lo gsum gyi bar la 'chad nyan khang gi rtser sku zhang nang so chos rje blo gros chos 'phags dang lhan du bzhugs pa'i skabs shig /slob dpon pa'i nye gnas mgon po rdo rjes zhang dpon gnyis ka la skyur 'gong byas gri chung gis ded pas nang so chos rje rdzong la thegs/ chos rje rin po che yol bla brang du phebs bzhugs thung tsam mdzad ring / nub gcig nye gnas mgon po ba dran pas ma zin par mal sa nas har langs byas thon te phyin/ 'or sbug lha ri gdong du slebs tshe dran pas zin nas/ slar log nas mal sar bsdad pa dpon slob gzhan tshos ma tshor/ rjes sor kho rang gi ngag nas/ chos rje 'dis nga la ngan cig byas yod pa 'dug /'di bzhin byung zer ba labs 'dug go /gdan sar phebs pa'i phyi lo'i dus mchod gdong du rin chen gling du phebs/ bla brang gi gzims chung ka bzhi steng du dgongs mo thugs dam la bzhugs dus/ srod la gzims khang gi mtha' skor du khyi 'ur dang bcas pa'i zhud yod pa byung / mnal du ma