[A:267]'phral mnal sad pa'i dus thugs spro sing ba yod pa byung / de nas myur bar skyid tshal du phebs te gsan pa'i 'phros nas mngon rtogs rgyan dang / sdom gsum rab dbye'i gzhung la zhal 'don chag med lo gcig tsam mdzad/ mtshan nyid kyi 'chad nyan gyi gseng la/ paN chen lha dbang pas kye rdor lha dgu dang / gshed dmar lha lnga'i dbang / gcod yul ma 'khrid chen mo dang / ni gu'i 'khrid/ shangs chos kyi glegs bam gyi lung gnang ba gsan/ skyed tshal lam 'bras lha khang gi rab gnas la ngor chen dkon mchog lhun grub phebs dus/ grwa tshang gi mkhan slob sogs mi chen du ma dang / sbyin bdag zhal ngo rnams dang lhan du snying po kye rdo rje'i dbang / gur rigs bsdus kyi dbang sogs gsan/ de ltar mdo sngags kyi gsan pa ngom med du 'tshol bzhin pa nas/ dgung lo bcu dgu'i mjug zla bshol dang bcas pas nyi shur son pa na/ tshogs chen du mkhan po nam mkha' bkra shis pas mkhan po dang / dka' bcu pa chos dbang gis las slob/ gsang ston dang / dus go brjod pa'i slob dpon cho ga brda sprod pa la mkhas pa dag dang / kha skong du 'os pa'i dge slong gi dge 'dun grangs tshang gi dbus su bsnyen par rdzogs te so so thar pa'i sdom pa yongs su rdzogs pa'i rgyan gyis mdzes par gyur te mig 'bras bzhin gces par mdzad/ bslab pa'i gnas phra mo yang khyad du gsod par mi mdzad do/ /bsnyen rdzogs grub 'phral de nyid rtses dang 'bras bu gling du 'bangs brtsigs nang so chos rje ngag dbang lung rig rgya mtsho bsnyen par rdzogs pa'i las gral kha skong la phebs pas sngar thos bsam gyi gral