[A:296]bzhin mtha' gcod kyi bshad pa rgyas shing / thun mong ma yin pa'i gsung ngag gi zhal gdams 'gril ba/ nyams myong gi 'char tshul dang bcas pa'i dmigs rim la nan tan gyis bsgom pa sogs tshad ma snyan brgyud bzhis gdams ngag gi spros pa thams cad bcad de/ spyir rgyal ba'i gsung rab mtha' dag gi nyams len dang / khyad par gsang sngags sam bla med kyi lam gyis bgrod tshul la 'jigs pa med pa'i rang byan chud par mdzad/ gzhan yang slob dpon tog rtse pa'i phyag rgya chen po bsam mi khyab la sogs pa lam skor phyi ma brgyad kyang so so'i dbang bskur dang / byin rlabs kyi cho ga sngon du 'gro bas khrid tshul rnams zhib par mdzad/ lam 'bras kyi rgyud dbang skabs/ rnal 'byor dbang phyug birWa pa'i lugs kyi snying po kye rdo rje lha dgu'i rdul tshon gyi dkyil 'khor bzhengs pa'i tshe/ bla ma'i bka' lung du zha lu ba 'di rnams lag len gyi rang mthong che bas/ yol nas rje'i drung gis rdul tshon gyi phyag bris legs pa zhig mdzod gsung ba phebs/ dkyil 'khor 'dri bar tshugs dus zha lu na bris legs pa'i khul 'ga' zung yang byung bas/ khong rnams kyi sgo re re dang / rje'i drung gi sgo gcig 'dri ba'i dbu tshugs dus/ rje'i drung gi phyag bris kyi spus gtsang khyad mthong bas khong rnams mdzangs te 'dri ma nus/ dkyil 'khor tshang ma 'di nas phyag bris mdzad/ zin dus bris lhongs che zhing zhib pa la ngo mtshar skyes te dpe'i phyag bris zhu ba mang du byung / gsung ngag gi dbu na mar rje gzhon nu blo gros dang / mkhas pa rab brtan pa gnyis kyis zin bris kyang thog cig mdzad/ mai tri mkha' spyod kyi byin