[A:297]rlabs/ indra mkha' spyod kyi bskyed rdzogs kyi khrid dang bcas pa/ snga nas nA ro mkha' spyod kyi skor dang bcas pas mkha' spyod skor gsum mam/ phag mo skor gsum mam/ dmar mo skor gsum yang zer ba'i zab khyad can rnams dang bcas pas/ sa skya pa'i chos skor thun mong ma yin pa rnams la/ khyad par gyi slob bshad kyis brgyan pa bum pa gang byor gsan/ gzhan yang brgyud pa du ma'i bka' babs kyi gsang sngags zab rgyas du ma dang / khyad par rnam sras zhi drag gi chos skor yang mang du stsal/ rgyal chen gyi bskang dbyangs bu lugs rnams/ zha lu nas mkhyen rab chos rje'i dbon po dang dbu mdzad dbyangs dpon zhig la rje tshar chen gyi zhabs phyir dpon slob tshang mas gcod pa gnang / de yan chad du tshar chen chos kyi rgyal po'i zhabs phyir lo gsum bar ma chad gtsang du bzhugs ring/ gnas gsar nas rje rin po che mkhyen brtse'i dbang phyug khu dbon rnams kyi snga phyir sku chas zur gsos mang po gnang / de nas rin cen gling du gzhis bzhugs dpon slob kyi gdan 'dren pho nya phyug po blo ba dang / lha bzo ba phyogs rab pa rnams byung / lha bzo bas tshar chen gyi thugs dam zhal thang mang po bzhengs zin mtshams/ yol nas dpon slob rnams kyis re zhig dbus phyogs la phebs pa'i dgongs pa zhu ba gnang dus bla ma'i bka' las da lam dbus phyogs tsho'i thugs brel gyi khyad yong bas thegs na'ang de ka gnang chog pa 'dug /sngar nged kyis bshad pa'i chos rnams la/ gur mgon skor nas rje rang du zhib pa song bas ma gsan pa med/ zhal bzhi pa'i skor gnas gsar nas rje'i drung la zhib rgyas song bas bzhugs che ba yod/ gzhan yang nged nas brgyud pa'i chos rnams la/ sngar ma song